就好似上個礼拜咁，本来约咗一大班最近揾返嘅旧朋友，一齐去PD度来個2日1夜游。點知道大部分人临时有嘢做，最后剩返4条友。咁就唯有改plan，上云顶住1晚，好过冇啦。
拜六一早起身，搞点晒啲嘢，就驾车先去金宝接观俊。跟住就去冷甲载埋阿Khuan，随便食埋早餐。然之后，就出发去KL。（哗，好耐都冇见过啲小镇风情——睇到啲稻田，绝啊！）
到咗PJ，同阿Weng食埋lunch，就开始我哋嘅行程——上山去云顶。弊啦，唔知点解，云顶超多人，酒店啲房都full晒。
我哋又改plan。打算打返场bowling同食埋打边炉，正落山。横點上到来，冇理由乜都唔做就嘛！
故事仲未完啊。喺平地要做嘅第一件事，就係接晓筠，再5個人一齐去唱K。真係委屈晓筠，要一個女仔陪我哋添！
当晚嘅K歌之王，非观俊哥莫属。冇乜歌係难倒佢嘅。离开K场嗰阵，已经係晨早5点几。阿Weng就带我哋去Jalan Ipoh食点心‘早’餐。
送晓筠返屋企，再去阿Weng度已经係7点几。洗过面，就睏咗。真係多谢晒大家让张床给我。睏饱食饱，我哋3条友就驾车返Perak啦。
虽然今次係攰咗啲，（我一挞响张床就睏咗十几粒钟），但係諗到可以同大家聚会下，乜到值啦！唔讲你唔知，我同佢哋几个，都係最近遇返。计计下，都识咗有10年啦！
～～～～～～～～～～～～～～～～～～～～～～～～～～～～～～
唔知点解，今次出trip，令我諗起好多年前，同一班大学朋友一齐去Bath嘅trip。嗰阵又係好似咁样，冇乜计划就冲住去。虽然都係几乎‘事事唔顺’，但係得到嘅回忆，真係用钱买唔返㗎！
～～～～～～～～～～～～～～～～～～～～～～～～～～～～～～
俾观俊影响咗，搞到几乎日日都喺度哼唱陈奕迅嘅《於心有愧》！不过，真係好好听啊！
No comments:
Post a Comment